LEGAZPI CITY- Nakisumaro si Legazpi City Mayor Hisham Ismail sa selebrasyon kan Muslim Community kan Eid al-Fitr sa ciudad.
Sa intrevista kan Bombo Radyo Legazpi sa alkalde, sinabi kaini na mas nagin makusog an pananampalataya kan mga Muslim kasunod kan haros sarong bulan na pag-aayuno.
Nagpahayag man ini nin bilog na suporta sa gabos na mga Muslim.
Dugang pa ni Mayor Ismail na tanggap sa ciudad kan Legazpi an gabos asin malalaoman an pantay na mga programa kan lokal na gobierno anuman an relihiyon asin lahi.
Mientras tanto, nagparitisipar man sa aktibidad si Police Regional Office V Director PB.Gen. Erosito Miranda ngani na magpahiling nin suporta.
Napag-araman na nag-deploy nin mga kapulisan sa gabos na mga lugar na igwang selebrasuon kan Eid al-Fitr ngani na masierto an seguridad kan mga Muslim.
