Dakulang epekto suboot an suspension kan taas-pasahe sa mga biyahe kan mga provincial bus na pig-anunsyo ni Presidente Ferdinand Marcos Jr.
Sinabi ni Provincial Bus Operators Association Executive Director Alex Yague na dakul na mga kumpanya an dae nakakapag-operate huli ta dae na kayang susteniran an saindang mga gastos huli sa kawaran nin ganansya.
Dugang pa ni Yague, pighahalat na sana ninda an written order hali sa Department of Transportation (DOTr) asin Land Transportation Franchising and Regulatory Board (LTFRB) para sa masunod na lakdang kan grupo, alagad sinabi kaini na wara sindang magiginibo kun dae sinda magsunod sa order na ipapaluwas.
Nangapudan man sinda nin mga konkretong lakdang hali sa gobyerno na namamatian kan mga nasa sektor nin transportasyon asin bako band-aid solutions sana.
Binisto ni Yague na dakulang tabang an libreng sakay sa saindang hanay asin mga commuters, alagad nagdududa siya na mahahaloy pa ini.
Huli digdi, tinawan doon niya na an pangangaipo na magtarabangan an lambang saro sa pag-implementar nin mga lakdang nganing mapagian an epekto kan global oil crisis.
Magigirumduman na nagbarewas na nin ayuda an gobyerno, alagad an mga tricycle driver asin operator an pig-prioritize kan mga nakalihis na aldaw.
