LEGAZPI CITY—Arestado sa ginibong operasyon kan mga otoridad an sarong indibidwal na kabale sa City Most Wanted Person sa Barangay Pinagbobong, Tabaco City.
Binisto an suspek na si alyas “Ben”, 49-anyos, may agom asin residente kan nasabing lugar.
Kinundusir an pag-arestar sa bisa kan Warrant of Arrest na iniluwas kan korte kan Hunyo 19, 2001 sa kasong attempted murder na may pigrekomendang piyansa na P120,000.
Sa presente nasa kustodiya na kan Tabaco City Police Station an suspek para sa magkakanigong disposisyon.
