LEGAZPI CITY- Padagos an koordinasyon kan Land Transportation Franchising and Regulatory Board Bicol sa Landbank asin sa gabos na claimnants ngani na mapadali an release kan mga fuel cash subsidy cards.
Ini an sa tahaw kan pinagkakahaditan na dakulang paglangkaw sa presyo kan produktong petrolyo huli sa tensyon sa Middle East.
Segun ki LTFRB Bicol Director Joel Defeo sa intrevista kan Bombo Radyo Legazpi na nagpapadagos an pag-release kan nasabing fuel cash subsidy cards sa mga operators ngani na mapakinabangan ini.
Napag-araman na kinakaipuhan muna na umabo sa $80 kada bariles an crude oil antes na makapagpaluwas nin asistensya sa irarom kan programa.
Nilinaw man kan opisyal na dae pwedesir na i-claim bilang cash assistance an ayuda para sa mga drivers/operators kundi magagamit sana ini sa mga gasolinahan na accredited kan Department of Energy.
Magpapaluwas man suboot an ahensya nin listahan kan nasabing mga gasolinahan.
Mientras tanto, nangapudan man si Defeo sa mga public utility vehicle operators na magin aktibo man sa pag-asikasokan mga dokumeto na kinakaipuhan na isumiter ngani na dagos ng ma-claim an nasabing mga fuel cash subsidy cards.
