LEGAZPI CITY- Arestado an sarong drug personality sa ikinasang buy-bust operation kan mga otoridad sa Purok 3, Barangay Binatagan, Ligao City, Albay.
Segun ki Philippine Drug Enforcement Agency Albay Officer Noe Briguel sa intrevista kan Bombo Radyo Legazpi na sa tabang kan mga confidential informant, matrayumpo na naisagibo an operasyon na nagresulta sa pagkakadakop kan target na si alias Net.
Ipigkokunsiderar man ini bilang sarong High-Value Target.
Nakumpiskar sa akusado an nasa 200 grams nin pinagtutubudan na shabu na nagkakantidad nin labi sa P1.3 million.
Sinabi kan opisyal na an nasabing suspek an sarong job order messenger o empleyado kan lokal na gobierno kan Guinobatan.
Sa presente nasa kustodiya na kan mga otoridad an suspek asin an mga nakumpiskar na kontrabando para sa magkakanigong disposisyon.
