LEGAZPI CITY-Naka-alerto an Public Safety Office Legazpi sa posibleng mga reklamo nin overcharging sa mga tricycle drivers mantang kadakol an nagbibisita sa ciudad huli sa Palarong Bicol 2026.
Segun kay Public Safety Office Legazpi Head Octavio Rivero, sa sa intrevista kan Bombo Radyo Legazpi na sa ngonian wara anumang untoward incident o overcharging na nai-report sa saindang opisina asin nakisama man an mga tricycle driver sa nagpapadagos na aktibidad.
Naka-pwesto man sa mga billeting area an mga tricycle na maserbi para sa mga atleta.
Kasabay kaini, nakabantay man an saindang mga personnel sa billeting area asin nagtatao nin calling card huli ta enkaso mabiktima nin overcharging, tulos na i-report sa saindang opisina ngani maipa-apod an driver.
Pangapudan man kan opisyal sa mga tricycle driver na dai pagtawanan nin kasusupgan an padagos na mga aktibidad sa ciudad ngani magin huwaran ini para sa ibang mga probinsya.
