Nangapudan si Vice President Sara Duterte sa publiko na ibitaran an mga motorcades asin vehicle caravans bilang sarong porma nin protesta, sa tahaw kan padagos na paglangkaw kan presyo kan gasolina huli sa iriwal sa Middle East.
Segun sa pahayag, an siring na aktibidad suboot an nagigin rason nin mas halangkaw na gastos sa gasolina, nagpapalala kan air pollution, asin nagkakawsa nin matinding trapiko, na abala para sa kadaklan.
Pig-enganyar man ni Duterte an mga lokal na gobyerno na ipagbawal an mga motorcades o vehicle caravans, maski pa suporta ini ki dating Presidente Rodrigo Duterte.
Mas importante suboot na magin maingat sa epekto kan siring na pagtiripon sa ibang tawo asin sa kapalibutan.
Abiso niya na maghanap nin alternatibong paagi nin pagtiripon na dae nakakadisturbo asin mas sustainable, orog nang piglalaoman na malangkaw an presyo kan gasolina sa mga masunod na semana.
