Nanindugan si Metropolitan Manila Development Authority (MMDA) General Manager Nicolas Torre III na dapat darahon kan mga retiradong suldados an saindang mga alegasyon sa korte asin bako sana ipaagi sa press conference.
An pigtutukoy kan retiradong Philippine National Police chief iyo an pagluwas kan 18 lalake na nagpabisto na dating suldados asin bagmen kan mga pulitiko.
Si Gen. Torre kabali sa mga binisto na naging parte kan mga meeting kaiba si dating Sen. Antonio Trillanes IV, asin mga representante kan International Criminal Court (ICC) kun saen, segun sa mga retiradong soldados, nangyari an panunuhol.
Sa ibong kan pinili kan retiradong heneral na dai simbagon nin detalyado an alegasyon, nanindugan ini na dapat kuta nang pig-prioritize ninda an pag-file kan kaso imbes na magpa-apod nin press conference.
Pigkwestyon kan dating dating PNP chief an sinseridad asin tunay na intensyon kan mga tawong ini, orog na an dae tulos na pagpaluwas nin kopya kan affidavit na pinirmahan kan lambang retiradong soldados na nagpabisto.
Kun nagibo na suboot kan grupo na ipa-notario an saindang affidavit asin kaya nindang panindugan ini, bukas na suboot an heneral sa pagsimbag sa anuman sa saindang mga alegasyon.
 General Manager Nicolas Torre III insisted that the retired soldiers should take their allegations to court and not just through a press conference.){kind=link}