LEGAZPI CITY-Tinugutan kan gobierno sa ciudad kan Quezon na gamiton an White Plains Avenue para sa ikatulong Trillion Peso March na isasagibo kasabay kan ika-40 anibersaryo kan EDSA People Power Revolution sa Pebrero 25.
Segun kay QC Department of Public Order and Safety head Elmo San Diego, iba ini sa dating setup kun sain nagkapirang motorsiklo an tutugutan sa lugar, kumpra kan nakalihis na martsa na nagin angat ini sa trapiko.
Sinabi pa niya na itatalaga an bilog na White Plains Avenue na may lawog na sarong kilometro para sa Trillion Peso March.
Nakatakda man na magpaluwas nin rerouting schemes para sa maayos na daloy kan trapiko sa katahawa kan isasagibong rally.
Nagpagirumdom man an mga otoridad sa mga organizer asin maatendir sa rally na magsunod sa memorandum of agreement na pinirmahan kan gobierno sa ciudad.
Pinagbabawal man an pagsulo nin mga materyales, paggamit nin makukusog na sound systems, asin pagdadara nin mga delikadong bagay mantang nakikisumaro sa protesta.
Piglalaoman na mapakol sa 30,000 sagkod 50,000 an makikibale sa ikatulong Trillion Peso March.
