LEGAZPI CITY—Tinanggal na an mga pangaran kan mga barangay officials sa mga certification kan Barangay Muladbucad Grande, Guinobatan, Albay bilang pagkomple sa anti-epal policy kan Department of Interior and Local Government.
Segun ki Kapitan Henry Racadag kan nasabing barangay sa intrevista kan Bombo Radyo Legazpi, tinanggal na ninda an mga pangaran kan mga barangay kagawad asin solong natada an pangaran kan punong barangay para sa pagpirma.
Afuera digdi, sainda man nahahaputon sa DILG kun tatanggalon man an mga pangaran kan barangay officials na nakabugtak sa hampangan kan saindang barangay hall.
Dugang kan opisyal na ire-report man niya an sa DILG en kaso man na may nanutaran sindang nagbugtak nin mga pangaran o pandok sa mga proyekto.
Tinawan-doon niya na importante na maipaotob an polisiya ngani na dae masanay an nagkapirang politiko na kun minsan an dae nagtatabang kun dae narerekognisar an saindang pangaran.
Mensahe man ni Racadag sa kapwa opisyal na sunudon na sana an nasabing polisiya huli sa para man sana ini sa saindang ikakamaray.
