Nairehistro an bahagyang pagrikas kan inflation kan Enero 2026 na nasa 2.0%.
Mas halangkaw ini hali sa 1.8% inflation kan Distembre 2025 alagad mas hibaba kumparar sa 2.9% kan Enero 2025.
Ini na an pinakamarikas na inflation sa laog nin 11 bulan puon kan Pebrero 2025 kun sain nairehistro sa 2.1%.
Pighihiling na resulta ini kan mas halangkaw na gastos sa pabahay asin utilities.
Basado kaya sa datos, nagkaigwa nin nasa 3.3% na paglangkaw sa presyo kan housing, kuryente, tubig, gas asin iba pa.
Segun man ki National Statistician Claire Dennis Mapa na posibleng hasta sa Pebrero asin Marso magkaigwa pa nin paglangkaw sa housing rentals.
