Nagluwas sa dokumento na ipigsunad sa Korte Suprema na si dating Ako Bicol partylist Rep. Zaldy Co an nasa Nacka, Stockholm, Sweden kan Enero 15, 2026.
An ebidensya an napatunayan sa paagi kan saiyang pirma na kasabay kan petisyon kontra ki Ombudsman Jesus Crispin Remulla.
Naghagad si Co nin Temporary Restraining Order (TRO) ngani na pugulan an implementasyon kan resolusyon na nagrerekomendar nin kasong graft asin malversation kontra saiya.
Marurumduman na man warrant of arrest man si Co sa Sandiganbayan katakod kan P289 million flood control project sa Naujan, Oriental Mindoro.
Pigduon ni Co na pigbayolar an saiyang constitutional rights para sa due process huli ta dae siya natawan nin tamang abiso ngani na makapagsumiter nin counter-affidavit.
Dugang pa niya na bako bastante an mga nadiskubre kan Independent Commission for Infrastructure ngani na kasuhan siya.
