Nasulo an sarong yate mantang naglalayag sa kadagatan sakop kan Tingloy, Batangas kan nakaaging Martes, Enero 27, 2026.
Basado sa inisyal na report, naglayag an Motor Yacht (M/Y) Allusive hale sa Puerto Galera pasiring sa Punta Fuego, Nasugbu, Batangas nganing magpartisipar sa yacht sailing event.
Alagad, pigtutubodan na nagpoon an kasulo sa engine room na pwedesir kawsa kan posibleng electrical failure, na isasairarom sa dugang na imbestigasyon.
Nirespondehan kan Philippine Coast Guard (PCG) District Southern Tagalog an nasulo na yate asin ligtas na naibakwar an 7 mga Pilipinong crew members na lunad kan yate.
Dinara sa Batangas Port an mga nasalbar na tripulante para sa medical assessment asin wara man nin nairido.
Ginuyod na pasiring sa baybayon an yate asin pig-inspeksyon nganing masyertong wara ining huma sa paglayag.
