LEGAZPI CITY—Preparado na an mga pasilidad asin areas na gagamiton kan mga delegado para sa pagbubukas kan 2026 Palarong Panlalawigan na gigibohon sa banwaan kan Guinonatan, Albay sa Martes, Enero 27.
Segun ki Guinobatan Mayor Ann Gemma Ongjoco, sa intrevista kan Bombo Radyo Legazpi, piglalaoman na maabot an mga atleta na mapartisipar sa aktibidad sa nasabing aldaw.
Dugang kan opisyal na en kaso man na maglala an sitwasyon kan bulkang Mayon aN pwedesir na ipadagos an manlaen-laeng aktibidad sa ibang venue o i-reschedule an mga ini sa ibang aldaw.
Nagpasalamat man an alkalde huli sa an saindang banwaan liwat an magigin host sa pagbubukas kan provincial meet.
Mensahe man niya sa mga maatendir sa aktibidad na pwedesir na mag-contact sa saindang lokal na gobierno kun may mga pangangipuhan.
Pig-asigurar man ni Ongjoco na may mga nakabugtak na medics asin kapulisan sa venue kan opening nganing maasigurar an kaligtasan kan publiko.
