Pinagirumduman ni Mamamayang Liberal Party-list Representative Leila de Lima an Office of the Solicitor General na sarong ministerial act o aksyon na ipinagsugo kan ley an pag-ako kan mga impeachment complaints.
Tinawan duon man kan mambabatas na wara nin diskresyon an mga opisyales kan hababang Kapulungan kan Kongreso na i-octaba o sayumahan an pagsangat kan siring na reklamo.
Sinabi pa kaini na nakadepende bako sana sa resulta kaini an pagkalehitimo kan impeachment complaint, kundi maging sa integridad kan pigkokondusir na proseso.
Tinawang-duon man ni De Lima na dae pwedesir gamiton an administrative inconvenience o technical excuses nganing suspendiron an mandato kan Konstitusyon.
Ginibo an pahayag kan mambabatas makalihis na liwat na magsayuma an opisina ni Secretary General Cheloy Garafil na akoon an ikatulong impeachment complaint laban ki Presidente Ferdinand Marcos Jr. kan Biyernes, huli ta nasa Taiwan an opisyal nganing mag-ako nin award.
Magigirumduman na nagsangat kan ikaduwa asin ikatolong reklamo sa impeachment an Makabayan Coalition group asin si dating Congressman Mike Defensor asin dating Ilocos Sur Governor Chavit Singson huli ta segun sa sainda, an nakaaging reklamong isinangat ni Atty. Andre de Jesus an maluya.
Nagsayuma man na akoon ini ni Executive Director Jose Marmoi Salonga huli ta wara suboot siya nin awtoridad na akoon ini sa ngaran kan Secretary General.
