LEGAZPI CITY-Nagpromisa an Presidente kan European Commission na si Ursula von der Leyen na dai niya aatrasan an pagbabanta ni U.S. President Donald Trump kasundo kan planong pag-angkin sa Greenland.
Nagpatanid man siya na pwedisir ining magpalala sa ugnayan kan Estados Unidos asin European Union.
Sa saiyang pahayag sa World Economic Forum sa Davos, Switzerland, sinabi ni von der Leyen na an nagtitinding tensyon sa orolay kan teritoryo kan Greenland na sarong autonomous na teritoryo kan Denmark an posibleng magkawsa kan “downward spiral” sa haloy nang alyansa kan Estados Unidos asin Europa.
Sa ibong kaini, makikipagolay man ni Trump sa Davos para sa futuro kan Green
land na haloy na niyang mawot na mapasairarom sa kontrol kan Amerika, kaya nagpatanid tulos an lider kan Europa laban kay Trump.
Mientarstanto, nakatakdang magsagibo nin emergency summit an mga lider kan European Union sa Brussels sa Huwebes ngani tukaron an mga isyu mapadapit sa Greenland.
