Sarong 22-anyos na babae an binawian nin buhay mantang lima an irido, makalihis an pambabadil sa sarong rave party sa Aarau, Switzerland.
Segun sa pulisya, pararehong mga Swiss resident asin nasa edad 20 an mga biktima asin padagos man an manhunt para sa suspek.
Nangyari an insidente bandang alas-2:30 nin maagahon kan Domingo, pirang oras makalihis magpundo an musika sa nasabing techno party na ginibo sa sarong covered horse racetrack. Pigkarkulong nasa 3,500 katawo an piglalaomang maatendir sa event.
Segun sa sarong saksi, enot nang inakala na mga paputok an mga nadangong niyang putok nin badil. May pirang nag-atendir asa likod kan DJ booth mantang an sarong babae an nagporbar na magtago sa likod kan refrigerator alagad tinamaan nin bala sa likod.
Nagpaotob an pulisya sa seguridad sa Aarau asin mga karatig-lugar mantang pigengganayr an publiko na magsumite nin anumang ladawan o video na pwedesir makatabang sa imbestigasyon.
Mantang kabale an Switzerland sa mga nacion an may halangkaw na antas nin gun ownership sa Europe, bihira digdi an mga insidente nin marahas na pambabadil.
