Dae nahahandal si Presidente Ferdinand R. Marcos Jr. sa impeachment complaint na isinangat laban saiya sa Kamara.
Ini an ipinahayag kan Malacañang Palace.
Sinabi ni Palace Press Officer asin Presidential Communications Office Undersecretary Claire Castro na personal siyang nakipag-olay sa Presidente dapit sa bagay na ini asin kampante na malalagpasan an mga agyat na pigkakahampang kan saiyang administrasyon.
Segun ki Castro, nagtutubod an Presidente na wara siyang nagibong impeachable offense asin malinaw sa saiya na kulang sa supisyenteng basehan an isinangat na reklamo.
Dugang pa kaini, kampante si Presidente Marcos na dae ma-usad an impeachment complaint huli sa kakulangan nin ebidensya asin nag-iiral na proseso sa Kongreso.
Pigduon kan Malacañang na an Presidente nagtetenir na committed sa saiyang mga trabaho asin pagtaong aksyon sa mga isyung pigkakahampang kan nasyon sa ibong kan mga kritisismo asin agyat sa pulitika.
