LEGAZPI CITY – Ikinadisganar kan grupo nin mga paraooma sa pahayag kan Philippine Statistics Authority (PSA) na nagrikas an inflation kan Pilipinas nin 1.8% kan Disyembre 2025 kompara kan 1.3% kan Nobyembre 2025.
Segun ki Kilusang Magbubukid ng Pilipinas Chairperson Danilo Ramos sa intrevista kan Bombo Radyo Legazpi na an gastuson kan mga namamanwaang Pilipino an napapaduman sana sa pagkakan arug kan Bagas.
Dae suboot ninda nahihiling an epekto kan “Benteng Bigas Meron Na” program kan administrasyon huli ta nagtetenir na halangkaw kan presyo kan bagas sa ibong kan katuyuhan kan programa na mapababa an presyo kaini.
Punto pa niya na afuera sa pagkakan, halangkaw man an bayad sa tubig, kuryente, siring man sa iba pang buwis na pigkakaltas sa sainda na nauuli sa bulsa kan mga tiwaling lideres.
Pigdugang pa kan opisyal na saro sa mga rason kun nyata nagkakaigwa nin krisis sa food supply an Pilipinas an huli sa mga programa asin polisiyang pigpapa-otob ni Presidente Ferdinand Marcos Jr. na pig-eenot an importasyon imbes na tabangan an mga local manufacturers.
Patanid man ni Ramos na matenir na madusa an namamanwaang Pilipino hangga’t warang nagigin land reform, nagpupugol sa political dynasty, asin padagos an pagkakaigwa kan kapitalista sa mga prudukto kan mga paraooma.
 that the Philippine inflation accelerated by 1.8% in December 2025 compared to 1.3% in November 2025.){kind=link}