LEGAZPI CITY- Aminado an sarong Political Analyst na posibleng dae makapasar sa sufficiency substance test an ipigsunad na impeachment complaint kontra ki Presidente Ferdinand Marcos Jr.
Paliwanag ni Atty. Michael Henry Yusingco sa intrevista kan Bombo Radyo Legazpi na an ipigsunad na reklamo an anas basado sana sa mga espekulasyon asin opinyon.
Napag-araman na attachments sa nasabing impeachment complaint an anas hali sana sa mga news reports asin warang bastanteng dokumento.
Sinabi kan opisyal na an impeachment kontra sa sarong presidente an pighihiling kun gurano kagabat an reklamo kaya dapat na ilatag ang mga ebidensya na magpapatunay na mararaot an bilog na gobierno kun magtetenir ini sa posisyon.
Dugang pa ni Yusingco na basado sa proseso, enot na mandati kan Secretary General kan Kamara na aramon bastante an substance kan nasabing reklamo huli ta kun bako, dae man ini mausad.
Ekaso man na ‘sufficient in form and substance’ an impeacment compalint, dapat na mai-endorso ini kan Secretary General sa Office of the Speaker ngani na ma-schedule sa order of business ngani na ma-endorsosa Committee on Justice.
Aminado man an nasabing political analyst na maski siisay an pwedesir na magsunad nin impeachment complaint huli ta wara pa an one year ban.
Alaad segun ki Yusingco na bako magayon na indikasyon na an duwang pinakahalangkaw na lider kan nacion an masusundan nin impeachment complaint kaya dapat na magkaigwa nin mas matanos na sistema sa gobierno.
