LEGAZPI CITY-Tinawan doon kan Department of Justice na magtetenir liwat sa laog kan kulungan si dating Negros Oriental 3rd District Rep. Arnolfo Teves Jr.
Ini makalihis siyang mapawarang sala sa saro niyang kasong murder sa nangyaring krimen kan taong 2019.
Segun kay Justice Spokesperson Atty. Polo Martinez, dai pwedisir na palayaon an dating kongresista huli sa may iba pang mga kaso na isinangat laban sa saiya.
Piglinaw niya na an kagawaran wara pang nareresibe na opisyal na kasuguan hale sa korte na nagkukumpirma na ibasura an kaso.
Marurumduman na pinawarang bisa kan Manila Regional Trial Court Br. 15 an kasong murder kan dating kongreista na si Teves.
Ibinasura kan nasabing korte an isinangat na kaso na may kinaaramn sa nangyaring panggagadan kay dating board member Michael Dungog.
