LEGAZPI CITY-Pormal nang kinasuhan kan Department of Justice si Vice President Sara Duterte ngonian na ika-11 nin Agosto 2026.
Sa mensaheng ipinadara ni Justice Spokesperson Atty. Polo Martinez, saiyang kinumpirma an pagsangat kan kagawaran nin kasong ‘grave threats’ laban sa bise presidente.
Susog sa tagapagtaram, isinangat an nasabing kaso bandang ala-una y’ medya nin hapon sa Office of the Clerk of Court kan Quezon City Regional Trial Court.
Marurumdumang inabot nin labi sarong taon bago tuluyang naresolba asin naisangat kan kagawaran an nasabing kaso huli sa ipigsangat kan National Bureau of Investigation kan taong 2025.
Nag-ugat an kasong ‘grave threats’ huli sa pagbabanta mismo kan Bise sa buhay nina President Ferdinand ‘Bongbong’ Marcos Jr, First Lady Liza Arenata-Marcos, asin Former House of Representatives Speaker Martin Romualdez.
Igwa man suboot na nakuang ‘hitman’ an bise presidente na pigsugo ngani gadanon an mga nabanggit na personalidad.
