LEGAZPI CITY—Naka-full alert na ngunyan an mga kapulisan kan Catanduanes katakod kan piglalaomang epekto kan bagyong Ada sa provincia.
Segun ki Catanduanes Police Provincial Office Public Information Officer Police Major Emsol Icawat, sa intrevista kan Bombo Radyo Legazpi, preparado na an saindang search and rescue team na magresponde sa saindang namamanwaan anumang oras en kaso man na may dae piglalaomang pangyayari.
Siring man na preparado man an kada istasyon kan saindang kapulisan kun sain igwa sindang blue box na nakapalaog an mga gamit o ekipahe para sa mga rescue operations na pwedesir gibohon.
Dugang ni Icawat na sa tabang man kan saindang force multiplier siring kan coast guard an igwa sindang water assets na pwedesir magamit sa mga operasyon sa kasagsagan kan bagyo.
Sa presente igwa an saindang opisina nin naka-standby na 100 personnel asin may 16 na search, rescue and retrieval team.
Mientrastanto, pagiromdom man kan opisyal sa publiko na magin alerto asin mag-antabay sa mga updates na ipigpaluwas kan state weather bureau asin mga otoridad mapadapit sa presenteng kamugtakan kan panahon.
