Pigkarkulong masakat sa 123.96 milyon an kabilogang populasyon sa Pilipinas pag-abot kan taong 2035.
Basado sa pinakabagong report hale sa Philippine Statistics Authority (PSA), pigkarkulong mahalangkaw nin 0.85% kada taon an populasyon sa nacion puon kan taong 2020 hanggang 2035, kung saen an CALABARZON Region man liwat an piglalaomang pinakamatawong rehiyon sa bilog na nacion.
Nagluluwas sa datos kan PSA, ang male population pag-abot kan 2030 an pigkarkulong masakat sa 62.64 million mantang sa mga kababaihan man an piglalaomang masakat sa 61.32 million.
Kadaklan sa mga rehiyon an piglalaomang mamamantinir an mas halangkaw na numero nin male population pag-abot kan 2035 afuera sa Metro Manila asin Bangsamoro Autonomous Region in Muslim Mindanao na pigkarkulong mahahalangkawan nin mga populasyon kan mga kababaihan.
Mientrastanto, kan 2020 inireport kan PSA na nasa siyam na rehiyon an igwang populasyon na lagpas sa 5 million, alagad pag-abot kan 2035, an nasabing datos an mahalangkaw sa 12 rehiyon kabale na sa Eastern Visayas, South Cotabato, Cotabato, Cotabato City, Sultan Kudarat, Sarangani, General Santos City (SOCCSKSARGEN), asin BARMM.
