Ipigdoon kan Sandiganbayan na dae pwedesir na maghagad nin anumang judicial relief si dating Ako Bicol Rep. Zaldy Co huli sa nagtitinir suboot ining “fugitive from justice.”
Sa sarong resolusyon na iniluwas kan Enero 8, 2026, ibinasura kan Sandiganbayan ang mosyon ni Co na baliktadon an pagkanselar kan saiyang pasaporte asin an deklarasyong siya an fugitive.
Susog sa Fifth division, dae nagsu-surender si accused Co asin nagtitinir na lagpas sa abot kan korte. Huli digdi, wara siyang legal standing nganing gamiton an proseso kan hukuman.
Binanggit kan korte an doktrinang binisto man kan Korte Suprema na nagbabawal sa mga fugitive gikan sa paghagad nin judicial relief sagkdo dae sinda kusang nagsusureder.
Sinayumahan man kan Sandiganbayan ang alegasyon kan lado ni Co na na-deny siya kan due process asin na-octaba an pagtao saiya nin kopya kan mosyon. Susog sa korte, naabisuhan si Co sa saiyang huring binistong address asin bako ini bastante nganing masabing nawaglit ang saiyang direchos.
Si Co an nahahampang sa non-bailable malversation of public funds asin graft, kabale an kaso sa Fifth, Sixth asin Seventh Division kan Sandiganbayan. Kan Nobyembre 21, 2025, isinugo an pag-arestar saiya katakod kan P289.5-milyong flood control project sa Naujan, Oriental Mindoro.
Idineklara siyang fugitive puon kan Disyembre 10, 2025 makalihis dae magsurender asin kanselaron an saiyang pasaporte.
