LEGAZPI CITY-Pigaabangan na an nakatakdang laban ni Pinay Tennis Star Alex Eala asin ka-tandem kaini kay dating worlds no. 1 Venus Williams sa doubles opener kan ASB Classic na gaganapon sa Auckland, New Zealand.
Makikipag-partner si Eala kay Iva Jovic, na kampeon kan 2025 Guadalajara Open, laban sa duo ninda Williams asin dating world no. 3 na si Elina Svitolina.
Parte an laban kan women’s doubles round of 16 asin piglalaoman na magigin saro sa mga tampok na kawat sa nasabing torneo.
Afuera sa doubles, nakatakda man na hampangon ni Eala si Donna Vekic sa saiyang singles opener sa kaparehas na aldaw.
Posibleng maghampang man si Eala asin Williams sa sarong blockbuster quarterfinal showdown sa singles kun parehas sindang makalagpas sa enot na duwang enot na round.
An ASB Classic maserbing preparasyon ni Eala para sa saiyang main draw debut sa Australian Open na mapoon sa Enero 18, 2026.
Presente man na nasa world no. 53 ranking si Eala makalihis an matrayumpong season kan taong 2025.
