Ipighayag kan Philippine National Police (PNP) kan Huwebes, Disyembre 25, na naging maogma asin matonining an pagselebrar kan Christmas Eve sa manlain laing harong asin simbahan sa bilog na nacion.
Segun ki PNP acting chief Police Lt. Gen. Jose Melencio Nartatez Jr., warang nairehistrong insidente katakod kan mga pigsagibong misa huli sa disiplina kan publiko asin maagap na presensya kan kapulisan.
Magigiromdomang nag-deploy an mga pulisya sa mga simbahan, transportation terminal, asin mga pangenot na lugar kun sain pigselebrar kan mga Pilipino an pasko nganing siertoho an kaligtasan kan publiko.
Segun ki Nartatez na padagos suboot an saindang pagbabantay puon kan Disyembre 16, para sa pagpuon kan Simbang Gabi.
Naka-heightened police visibility man liwat an hanay kan pulisya sa bilog na kapaskuhan, kabale an pagsabat sa Bagong Taon.
Inomaw man ni Nartatez an kooperasyon kan mga simbahan, lokal na gobierno, volunteers asin namamanwaan sa pagmamantinir kan katoninongan, asin inengganyar an gabos na magselebrar nin maogma alagad sa ligtas na paagi.
