LEGAZPI CITY—Liwat na tinawan-doon kan Philippine Statistics Authority an importansya kan National ID asin Digital National ID sa paghahanap nin trabaho sa nacion.
Segun ki Philippine Statistics Authority Bicol Career Executive Service Officer V, Cynthia Perdiz, sa intrevista kan Bombo Radyo Legazpi, na makakatabang an Digital ID sa paagi kan eGovPH app nganing maparikas an transaksyon maski warang darang dokumento kun sain pwedesir ining ma-validate kan saindang pigdumanan na ahensya.
Importante suboot an National ID nganing maberepika asin ma-authenticate an pagkakakilanlan kan sarong indibidwal.
Mientrastanto, dugang ni Perdiz na nakatalaan man sindang makipagkoordinar sa mga eskwelahan asin mga barangay mapadapit sa pagpaparehistro sa National ID urog na para sa mga kajovenesan.
Mensahe man kaini sa mga dae pa nareresibe an saindang physical National ID na nagkaigwa suboot nin glitches sa system sa enot na attempt kan registration, kun sain nagin difisil an retrieval kan mga impormasyon kaya dai pa ninda ma-identipikar sa kun sisay pang mga indibdwal an dae pa nakakaresibe kan saindang IDs.
Pighayag man kan opisyal na pareho man liwat an gamit kan paper ID sa physical ID, asin pig-asigurar man kan saindang opisina na madistribuir sinda nin physical ID oras na maayos na an pag-imprinta kan mga ini.
