LEGAZPI CITY – 100% nang naibalik an supply kan kuryente sa Provincia kan Catanduanes sarong bulan makalihis an pangrarapado ni Bagyong Uwan.
Segun ki Catanduanes Governor Patrick Azanza sa intrevista kan Bombo Radyo Legazpi na naisakatupadan ini huli sa pakikipagtabangan kan mga electric cooperatives na gikan sa manlain-laing parte kan nacion sa First Catanduanes Electric Cooperative.
Alagad paglilinaw niya man na naibalik an koneksyon kan linya kan kuryente asin presenteng pigtatawan nin sulusyon na magin 24/7 magkakaigwa nin ilaw an saindang lugar.
Dakulang bagay man suboot an pagbabalik kan supply nin kuryente huli ta naamay ini sa nakatalaang schedule asin makakapagselebrar sinda kan kapaskuhan na maliwanag an saindang provincia.
Nagpasalamat man an opisyal sa National Government, Department of Energy (DOE), National Electrification Administration (NEA), Philippine Rural Electric Cooperatives Association (PHILRECA), Task Force Kapatid hale sa Mindanao asin Bicol Region, Bicol Electric Cooperatives Association (BECA), asin iba pa.
Pagsyerto ni Azanza na piggigibo ninda an gabos nganing magkaigwa nin supisyenteng supply nin kuryente nganing mapauswag an saindang ekonomiya na minsan nang pinadapa kan mga nakalihis na kalamidad.
