Inapod kan Partido Demokratiko Pilipino (PDP) na political stunt an bagong kasong isinunad laban ki Vice President Sara Duterte.
Kan Biyernes, Disyembre 12, isinunad kan pirang civil society asin church leaders an plunder case laban sa ikaduwang presidente huli sa suboot maanomalyang paggamit sa pondo kan Office of the Vice President asin Department of Education na dati niyang pinamayuhan.
Segun ki PDP Deputy Spokesperson Atty. Ferdinand Topacio, ipigkonsiderar kan partido an naging lakdang bilang nakaka-alarma asin makaulok.
Kun mawot talaga kan mga nagsunad nin kaso na mapanimbag an mga naghabon sa pondo kan banwaan, an dapat an magin prayoridad ninda an paghahabon na pinangengenotan kan Kamara de Representantes.
An panghahabon suboot sa nasabing kapulungan an pinapagana kan Presidente huli sa saiyang pagtugot na maipasa an budget kan nacion nin pano nin insertion, nagkapira digdi an sugo suboot kan Presidente.
Enot nang nanindugan an mga church asin civil society leader na wara sindang ibang obheto sa pagsunad nin kaso kundi mapanimbag an ikaduwang presidente.
