LEGAZPI CITY-Pinalawig pa an flight ban harani sa Bulkang Mayon.
Basado sa abiso hale sa Civil Aviation Authority of the Philippines (CAAP), epektibo an Notice to Airmen hasta alas-9:00 nin pagkaaga saaga, aladaw nin Sabado, Disyembre 13.
Sakop kan nasabing notice an flights na may vertical limits hale sa surface pataas hasta sa 11,000 talampakan.
Pinalawig an pag-isyu kan nasambitang notice matapos na maobserbaran an panibagong spines kan maitom na lava sa summit lava dome kan bulkan kan aldaw nin Miyerkules.
Kasunod kaini, pigaabisuhan an flight operators na ibitaran an pagpapalipad harani sa Bulkan, mantang nagtetenir sa irarom kan Alert Level 1 o low level unrest siring man an ipinagbabawal an paglaog sa 6-kilometer radius o permanent danger zone.
