Kinontra ni Atty. Gilbert Andres an pahayag kan kampo ni Sen. Ronald Dela Rosa na warang legal framework para sa pagsuko kan senador, sa tahaw kan napabaretang nagluwas na an saiyang arrest warrant hale sa International Criminal Court (ICC).
Segun kay Andres, na saro sa mga ICC-accredited lawyer, supisyente an probisyon kan R.A. 9851 na bisto man sa apod na Philippine Act on Crimes Against International Humanitarian Law, Genocide, and Other Crimes Against Humanity, para sa pagsuko kan senador.
Sinabi niya na an ley suboot an dati nang ipinasar kan Kongreso antes pa man nagin state party an Pilipinas sa Rome Statute, an kasunduang nagmukna sa ICC.
Sinabi man kaini na bako akma na gamiton kan kampo ni Sen. Bato an Article 88 asin Article 89 kan Rome Statute nganing olangon an gobierno kan Pilipinas na tulos na darahon o isuko si Sen. Bato, enkaso igwa na siyang warrant asin dagos na maarestar.
Paliwanag ni Atty. Andres, bako na ‘applicable’ an duwang probisyon huli ta bako na parte kan ICC an Pilipinas, kasunod kan pag-ali kan nacion hale sa tribunal kan panahon ni dating Pres. Rodrigo Duterte.
Sa ibong kan napapagalan na tanggapon kan kampo ni Sen. Bato, ini an sarong ‘unintended legal consequence’ kan pag-ali kan Pilipinas hale sa international court, na posibleng dae man piglaoman kan nakalihis na administrasyon.
Nanindugan man an batikang abogado na may supisyenteng basehan nganing isurender kan Pilipinas si Sen. Bato, enkaso mang igwa na siyang warrant asin maaresto, arug kan naenot na nangyari kay dating Pres. Rodrigo Duterte.
 has been issued.){kind=link}