LEGAZPI CITY-Nasa 22 katawo an binawian nin buhay makalihis na masulo an sarong edipisyo sa Jakarta, Indonesia.
Sinabi kan kapulisan na nangyari an kasulo mantang nagkakakan kan saindang pangudtuhan an mga empleyado kan pitong eskalon na edipisyo.
Makusog man an pagtubod kan mga otoridad na pagsabog kan drone battery an nagin kawsa kan kasulo.
Barakalan suboot kaya nin mga baterya kan drones an kumpanyang may sadiri kan edipisyo.
Labing duwang oras man an inabot ngani tulos na maapula an mga kalayo.
Padagos man an imbestigasyon kan mga otoridad madapit sa nangyaring insidente.
