LEGAZPI CITY-Pinangenotan ni Manila Archbishop Cardinal Jose Advincula an misa ngonian na aldaw nin Lunes, Disyembre 8, para sa Feast of the Immaculate Conception sa Manila Cathedral sa Intramuros.
Segun sa Minor Basilica, si Cardinal Advincula an namuno sa Eucharistic Celebration poon kan alas-12:10 nin pagka-udto.
Apat pang misa an nakatakdang isagibo sa nasabing Cathedral.
Mapoon an misa poon alas-8:00 asin alas-10:00 mantang sa hapon naman alas-4:00 sagkod alas-6:00 na pangengenotan ni Cathedral Rector Monsignor Rolando dela Cruz.
Pigdedeklara an petsa 8 kan Disyembre bilang special non-working holiday sa bilog na nacion sa irarom kan Republic Act 10966 bilang pagselebar sa kapistahan kan Immaculate Conception o an dakilang kapistahan kan kalinis-linisang paglilihi sa Mahal na Birheng si Maria.
An Immaculate Conception man an Patroness kan Pilipinas, kun kaya espesyal an selebrasyong ini sa nacion.
