LEGAZPI CITY—Naka-blue alert status ngonian an isla provincia kan Catanduanes huli sa mga posibleng epekto kan bagyong Wilma.
Segun ki Catanduanes Provincial Disaster Risk Reduction and Management Office Emergency Operations Chief Roberto Monterola, sa intrevista kan Bombo Radyo Legazpi, pig-aabisuhan na ninda an mga local disaster risk reduction and management offices na magin alerto sa anumang magin sitwasyon sa saindang nasasakupan.
Kinakaipuhan man suboot na bantayan an mga sitwasyon kan mga national highway, asin an mga posibilidad nin pagbabaha sa nagkapirang lugar sa saindang provincia.
Dugang kan opisyal na mantindong suspendido man an face to face classes sa nagkapirang lugar dara kan raot nin panahon.
Mientrastanto, pigpagiromdoman man ni Monterola an mga nakaistar harani sa mga coastal areas asin salog na magin alerto sa posibleng huma kan paghalangkaw kan lebel nin tubig asin storm surges huli kan mga pag-uuran.
