LEGAZPI CITY-Nagsuko na si Porac Pampanga Mayor Jaime Capil asin tulos na nagpiyansa sa korte kan Pasig City.
Ini may relasyon sa pitong counts kan kaso nin graft kun sain kaibanan kaini an saiyang abogado na nagbayad nin piyansa na nagkakantidad nin P630,000.
Huli digdi, dae nagpaluwas nin manhamiento de aresto an husgado kontra sa nasambitang alkalde.
Itinalaan man an arraignment para sa pre-trial kan kaso sa Disyembre 11 ngonian na taon.
Nagpasalamat man si Capil sa saiyang mga amigo asin pamilya para sa pagsuporta sa saiya.
Marurumduman na kan Abril ngonian na taon, an pinatalsik kan Office of the Ombudsman si Capil huli sa gross neglect of duty na may kinaaraman sa POGO hub na Lucky South 99.
Sa ibong kan pagkasuspinder, naggana si Capil bilang alkalde sa eleksyon kan Mayo 2025.
