LEGAZPI CITY – Dae piglalaoman kan August Twenty-One Movement na dakol an makikisumaro sa ikinoundusir nindang ikaduwang Trillion Peso March.
Segun ki August Twenty-One Movement Spokesperson Gerwin Ferreras sa intrevista kan Bombo Radyo Legazpi na uminabot sa 90,000 an nakisumaro sa saindang protesta na nagdurar sagkod dose oras.
Genarally peaceful man suboot an saindang asessment sa nangyaring aktibidad asin naipa-abot an saindang mga agrangay asin pangapodan sa gobierno na dae naggagamit nin kadahasan.
Huli sa ikaduwang Trillion Peso March an nagmamawot sindang dadangugon kan gobierno partikulamente na an Office of the Ombudsman an saindang paghagad nin paninimbagan urog nang nakisumaro man sa sainda an simbahang katolika asin iba pang personalidad.
Punto pa kan opisyal na dae nakukuntento an mga namamanwaan sa nangyayaring progreso sa isyu kan katiwalian kundi an dapat ilantad an gabos na mga imbwelto partikulamente na an suboot “big fish”, panimbagon an mga ini, asin ibalik an hinabon na pondo kan banwaan.
Pagsyerto pa niya na dae mapundo an saindang grupo sa pagsasagibo nin mga paghiro huli ta sagkod matapos an presenteng administrasyon an mahagad sinda nin accountability, transparency asin an pagpasar kan Anti-Dynasty Bill.
Enkaso dae dangugon kan gobierno an saindang agrangay asin pangapodan an laoman pa suboot na may mga masunod pang Trillion Peso March na isasagibo an August Twenty-One Movement asin iba pang progresibong grupo sa nacion.
Pagdoon pa ni Ferreras na posibleng magkaigwa nin people power revolution alagad mawot sana nindang maghagad nin accountability asin pagpapakarhay kan satuyang sistema para sa presente asin masunod na henerasyon.
