LEGAZPI CITY – Pigrumdom kan sarong survivor an saiyang naeksperyensyahan 19 taon na ang nakakalihis kan mangrapado an Super Typhoon Reming sa provincia kan Albay kan 2006.
Segun ki Antonio Baldurado Gaufo Jr. sa intrevista kan Bombo Radyo Legazpi na dae sinda makapanubod sa pagragasa kan tubig asin daga na haros lagpas tawo na an kataasan asin huli sa kusog asin taas kan pagragasa kan baha an haros abuton na an kisame kan harong na saindang pig-ebakwaran.
Paghistorya niya pa na kasabay kan tubig asin daga an igwa man na mga darakulang tipak nin gapo na haros kapareho kan sarong bus an dakula asin lahar an nagraragasa papasiring sa mga kaharongan.
Pigtaram pa kaini na dae man nakaligtas sa lahar flow an saiyang 4 anyos na aking babae alagad sa ibong kan mga nangyari an kagurangnan sana an saindang nasandigan.
Pagladawan niya pa na nagmistulang lata an mga behikulo sa mga kakalsadahan na dinistroso kan mga tubig baha, gabos, asin lahar na nagragasa sa saindang komunidad.
Uminabot pa suboot sa punto na huli sa labing lipot kan panahon makalihis an pangrarapado ni reming asin haros wara sindang naisalbar na mga bado an kinaipuhanan niya pang ihian an saiyang aki nganing matanggal an namamatean kaining lipot.
Dae man malilingawan na nangyari ni Gaufo iyo an kompleto pa sindang nagkakaon na pamilya antes an trahedyang uminabot sa provincia.
