LEGAZPI CITY-Binasura kan 5 panel judges kan International Criminal Court (ICC) Appeals Chamber sa paagi kan “unanimous” decision an mawot na interim release o pansamantalang kalayaan ni dating Presidente Rodrigo Duterte ngonian na aldaw nin Biyernes, Nobiyembre 28.
Binasa ni ICC Appeals Chamber Presiding Judge Luz del Carmen Ibáñez Carranza an nasabing desisyon.
Kun sain pinagtibay kan Appeals Chamber an nagin desisyon kan Pre-Trial Chamber I na naenot nang tinanggihan an apela kan dating Presidente para sa interim release, kun sainn mahihiling na kaipuhan an padagos na pagkulong sa dating presidente kan Pilipinas.
Alagad iniapela ini kan kampo kan dating Pangulo asin sinabing bigo suboot an Pre-Trial Chamber I na may flight risk o may peligro na takasan kan dating Presidente an paguusig sa kasong crimes against humanity laban sa saiya.
Enot na man na nag-waive an dating Presidente kan saiyang direchos na magin present sa pagbasa kan hatol sa saiyang interim release request asin ipigsugo an saiyang lead counsel na si Nicholas Kaufman na kumatawan sa saiya ngani dangogon an desisyon kan Appeals Chamber.
