LEGAZPI CITY-Makaskas na inaprobaran kan Senado sa laog sana nin 5 minuto an budget kan Office of the Vice President’s (OVP) para sa taong 2026 na nagkakantidad nin P889 Milyon.
Personal na nag-atendir si Bise Presidente Sara Duterte sa sesyon kan Senado kan ipresentar an budget kan saiyang opisina.
Sa deliberasyon kan Senado sa budget kan Office of the Vice President para sa masunod na taon, nag-uyon an mga senador na i-endorso an budget kan OVP para sa pag-aprobar sa second reading.
Matapos maaprobaran an budget kan nasabing ofisina, nagpasalamat man si Vice President Sara sa Senado.
Dai na man nagpahayag nin komento pa si Vice President Sara alagad nagbati siya nin “Merry Christmas” sa mga reporters kan Senado.
