[WARNING: This news report contains sensitive content related to sexual assault. Reader discretion is advised.]
Sarong otso anyos na aking babae an naospital huli sa pagdugo sa maselang parte kan saiyang hawak asin pigtutubudang ginahasa.
Nangyari ini sa Brgy. Sta Isabel, Kawit, Cavite.
An suspetsado iyo an saiyang kapitbahay na si alyas Manny.
Segun sa imbestigasyon, tinawan kan suspek an biktimang si alyas “Angel” nin ice cream, dinra ini sa masukal na lugar asin ginahasa.
Segun sa lola kan biktima, nagkakawat an saiyang apo kabale an ibang mga aki kan ranihan siya kan suspek.
Nag-alok ini nin ice cream asin kan kuanon kan biktima, dinara niya ini sa pinangyarihan kan krimen.
Nadiskubre an insidente kan mahiling kan ama an biktima na naghihibi asin nagdudugoan saiyang pribadong parte.
Pighuna pa ninda na kinagat sana nin ayam an aki alagad kan darahon sa ospital, nakumpirma na ini an ginahasa.
Sa presente an naarestar na si alyas Manny asin kapot na kan mga otoridad para sa magkakanigong disposisyon.
