LEGAZPI CITY-Ipighayag kan Pambansang Lakas ng Kilusang Mamamalakaya ng Pilipinas (PAMALAKAYA) na labing nakakaapektar an pagpapaotob nin Closed fishing ban sa kabuhayan kan mga saradit na parasisira.
Segun kay PAMALAKAYA President Pando Hicap sa intrevista kan Bombo Radyo Legazpi na nakakahandal an siring na mga lokal na ordinansa para sa mga saradit na parasisira huli sa nawawaran sinda nin source o pagkukuwaan nin pagkakan.
Dai man suboot nagbabago an patakaran kan gobierno kaya an epekto kaini, iyo an babahaon nin mga imported na sira an nacion huli sa papabayaan an mga commercial fishing vessel na mag-import ngani magkaigwa nin kita.
Dagdag pa ni Hicap na piggagadan kan patakaran an lokal na produskyon asin nakakaapektar ini sa mga parasisira asin sa mga konsyumer huli man sa paghalangkaw kan presyo sa merkado.
Paliwanag pa kan opisyal na enkaso nag-iimport nin sira, an dai nagbababa an presyo sa merkado huli sa may monopolyo an market system sa nacion.
Huli sa patakaran, an mapipiritan man suboot an mga lokal na parasisira na maghanap nin ibang pangkabuhayan orog na sa mga probinsya siring kan nasa Visayan Seas ngani masusteniran an pangangaipohan kan saindang mga pamilya.
Tinawan doon man kan opisyal na dapat hilingon muna an kondisyon kan mga saradit na parasisira sa pagpapaotob nin closed fishing ban sa nacion.
Pangapudan niya sa mga law enforcers na sinusuportaran ninda an closed fishing season alagad dai dapat pagbawalan an mga saradit na parasisira na makapagsira huli sa labing kaipuihan ninda ini sa saindang pangurualdaw na pamumuhay.
