LEGAZPI CITY-Nagsangat na an Office of the Ombudsman kan enot na batch nin kaso laban ki dating Ako Bicol party-list Rep. Elizaldy “Zaldy” Co asin nagkapirang dating opisyales kan Department of Public Works and Highways (DPWH) na may relasyon suboot sa mga anomalya sa flood control projects sa Oriental Mindoro.
Pinangenotan ni Assistant Ombudsman Mico Clavano an pagsangat kan mga kaso sa Sandiganbayan.
Basado suboot an kaso sa referral hale sa imbestigasyon kan Independent Commission for Infrastructure (ICI) na may kinaaraman sa mga proyekto kan Department of Public Work and Highways Region IV-B sa paagi kan Sunwest, Inc.
An mga opisyales kan DPWH an hale suboot sa Regional Director sagkod sa mga Chiefs of Quality Assurance, Maintenance.
Nahahampang an mga ini sa kasong “Malversation of public funds” sa paagi nin “falsification of public documents” asin “Anti-Graft and Corrupt Practices Act”.
