LEGAZPI CITY-Mahigot na pigbabantayan ni President Ferdinand “BongBong” Marcos Jr. an pigkakasang rally ngonian na aldaw.
Segun kay Presidential Communications Office (PCO) Secretary Dave Gomez, nakabantay si President Marcos sa laog mismo kan Malacañang asin nagmomonitor kan Iglesia ni Cristo (INC) rally.
Dai pa man nagtatao nin dugang na detalye si Secretary Gomez.
Naka-alerto man ngonian an sector nin seguridad huli sa mga bareta na posibleng may magsabotahe sa matuninong na pagsasagibo nin rally kan INC.
Mahigot man an seguridad sa laog asin luwas kan Malacañang, na pigpapautob kan Presidential Security Command (PSC).
Padagos man suboot an pangapodan kan gobyerno nin kalmadong hiro protesta huli ta may mga lakdang na pigsasagibo suboot ngani panimbagon an mga nasa likod kan anomalya na flood control projects.
