LEGAZPI CITY-Nangangapudan an mga opisyal kan Brgy. Lamba Legazpi City sa Brgy. Puro orog na sa parte kan San Isidro na ayuson na an linya nin kuryente huli sa apektado man an saindang suplay nin kuryente.
Segun kay Brgy. Lamba Legazpi City Punong Barangay Norberto Abion sa intrevista kan Bombo Radyo Legazpi, na naayos na suboot an gabos na linya nin kuryente sa saindang barangay alagad kaipuhan pa nin ibang remedios kun sain nagtarabang na an ibang mga linemen.
Nagin problema man suboot an poste sa may San Isidro kun sain nabuwal ini kaya hasta sa ngonian an wara pa sinda nin suplay nin kuryente.
Apektado man kaya suboot kaini an saindang linya, kun kaya dapat maisaayos na kan nasabing barangay an saindang mga linya.
Laoman man kan opisyal na magkaigwa na nin suplay nin kuryente sa saindang lugar.
Nangangapudan man an Punong Barangay sa saiyang mga konsumidores, na magbayad na antes an pagbabalik kan suplay nin kuryente sa saindang lugar.
