LEGAZPI CITY—Mapaotob nin asychronous mode of learning an Catanduanes State University puon Nobyembre 11 sagkod Nobyembre 30 huli sa nagin epekto kan bagyong Uwan sa probinsya.
Segun ki Catanduanes State University President Dra. Gemma Acedo, sa intrevista kan Bombo Radyo Legazpi, sa mga nasabing petsa an gabos na faculty members an kaipuhan maglaog nganing mag-deliver nin learning materials kun saen madesignar nin personahes na madara sa kanya-kanyang munisipyo nganing maidistribuir ini sa mga estudyante.
Kaipuhan na magsumiter kan mga faculty members nin accomplishment report sa nasabing period sa Dean kan saindang kolehiyo.
Dugang kaini na paramientras na suspendido an pag-attendance sa biometric machine antes November 30 huli sa may ibang lugar pa an warang kuryente.
Sinabi man ni Acedo na an official time kan mga faculty members para sa Nobyembre 11 sagkod 14 an mapuon nin 8 AM hasta 5 PM; asin puon Nobyembre 17 maobserbar sinda kan saindang flexi-time schedule.
Mantang sa College of Law an mapadagos kan saindang regular class sa Nobyembre 24.
Mientrastanto, mapadagos man an to face classes kan unibersidad sa Disyembre 1, 2025.
