Ipigsugo ni Acting Transportation Secretary Giovanni Lopez an marikas na paggibo kan bagong pantalan sa Pio Duran Port sa Albay.
Ini makalihis na madistroso kasunod kan epekto kan bagyong Uwan.
Sa ipigkondusir na inspeksyon ni Lopez, inabisuhan kaini an Philippine Ports Authority (PPA) na tulos na magtindog nin bago asin mas mahewas na pantalan asin an road connector huli ta nasa 30 cargo trucks na pasiring sa Masbate an naga-abot asin naglulunad sa barko kada aldaw.
Marurumduman na dakula an importansya kan pantalan sa mga residente asin pasahero huli ta saro ini sa trade and business center kan munisipalidad.
Tinawan duon man kan opisyal an importansya kan pagtitindog nin establishimento kan Philippine Coast Guard para sa marikas na pagrespunde sa panahon kan emerhensya sa kadagatan.
