Narekober na kan search and rescue team an hawak kan anom na lunad kan Philippine Air Force (PAF) Super Huey helicopter na nag-crash sa banwaan kan Loreto, Agusan del Sur kasuodma, poco mas o menos alas 10:55 nin aga.
Segun ki Col.Christina Basco, tagapagtaram kan PAF, sa intrevista kan Bombo Radyo, kabali sa mga nagadan an duwang piloto asin apat na crew member na gabos miyembro kan saindang search and rescue group.
Kaibanan sinda sa operasyon kan tulong iba pang mga yunit nin helicopter.
An nasabing chopper an gikan sa Davao City asin pasiring kuta sa Butuan City nganing mag-preposition asin maghatod nin ayuda para sa mga biktima kan Bagyong Tino, kan mawaran ini nin komunikasyon sa iba pang helicopter na kasabay sa misyon.
Sa presente, nagpapadagos pa an imbestigasyon nganing maaraman an kawsa kan pagbagsak kan helicopter.
 Super Huey helicopter that crashed in Loreto town, Agusan del Sur yesterday, at around 10:55 a.m.){kind=link}