LEGAZPI CITY – Nakisumaro an kapulisan sa ginibong preparasyon kan Gobierno Provincial kan Sorsogon mapadapit sa posibleng epekto ni Bagyong Tino.
Segun ki Sorsogon Police Provincial Office Spokesperson Police Major Arwin Destacamento sa intrevista kan Bombo Radyo Legazpi na maski dae man direktang tatamaan an saindang provincia an dae man ninda ipigsawarang bahala an preparasyon para sa kaligtasan kan saindang mga residentes.
Katakod digdi an ipigpa-preparar ninda an gabos na mga Police Station asin ipigsugo na makipagkoordinar sa kaniya-kaniyang Local Disaster Risk Reduction and Management Offices kasabay kan pagbabandera kan heightened alert status.
Afuera suboot kaini an padagos man an pagronda kan saindang mga personahes sa mga komunidad partikulamente na sa mga low-lying, landslide, asin flashflood prone areas nganing abisuhan an publiko na amay nang mag-ebakwar.
Pigataram pa kan opisyal na igwa man nin police visibility sa mga ipigdesignar na mga evacuation center nganing magtaong asistensya sa mga evacuees katabang an mga Barangay Officials.
Nakahanda man an saindang mga materyales na pwedesir magamit enkaso magsagibo sinda nin search, rescue, and retrieval operations mantang igwa man sinda nin trained personnel na eksperto sa mga siring kaining sitwasyon.
Pagirumdom ni Destacamento sa publiko asin byahero na mag-ingat asin dae magpaka-kampanteng paluwas na si Bagyong Tino huli ta namamatean pa sa saindang provincia an mga pabugso-bugsong pag-uuran nganing makalikay sa anumang klase nin casualty.
