LEGAZPI CITY-Laoman na marapado sa labi 300,000 an mabisita sa Manila North Cemetery ngonian na bisperas kan Undas.
Segun ki Manila North Cemetery Director Daniel Tan, laoman na maburos an kadakol na tawo kasunod kan holiday.
Sa presente, padagos an pag-dagsa kan mga tawo sa sementeryo asin piglalaoman pa an kadakol na mga indibidwal na mabisita sa saaga, aldaw nin domingo.
Mahigot man na pigmo-monitor ni Director Tan an sitwasyon sa laog sin luwas kan sementeryo ngani na masierto an kaligtasan kan mga mabisita sa saindang mga namaaram na kapamilya.
Nakakabit man an 64 CCTV cameras sa palibot kan Manila North Cemetery asin magmomonitor gamit an drones para sa dagdag na seguridad sa publiko.
Nakahanda na man suboot an mga e-trike na magtataong libreng sakay, na prayoridad an mga senior citizens, persons with disabilities, mga bados asin an may mga kairibang aki.
Mientrastanto, nakahiwalay man sa entrada kan sementeryo an lane para sa mga babayi, lalaki, asin persons with disabilities, kun sain igwang mga nagkukumpiska kan mga ipinagbabawal na kagamitan sa paglaog sa sementeryo.
